بنگلورو،8؍مارچ (ایس او نیوز؍ایجنسی) مہاراشٹر کی ممبئی پولیس نے بنگلور پہنچ کر قتل اور منشیات کی اسمگلنگ سمیت کم از کم 37 مقدمات میں مطلوب گینگسٹر الیاس بچکانہ کو گرفتار کرلیا ہے۔ 

ذرائع سے ملی اطلاع کے مطابق بین ریاستی مجرم کو ممبئی پولیس کے کرائم انٹیلی جنس یونٹ (سی آئی یو) نے کرناٹک پولیس کی مدد سے ہفتہ کی شام کو گرفتار کیا تھا۔بتایا گیا ہے کہ الیاس پر قتل، اقدام قتل، چوری، ڈکیتی، منشیات کی اسمگلنگ اور اسلحہ ایکٹ کی دفعات کے ساتھ کم از کم 37 مقدمات درج ہیں۔ذرائع نے بتایا کہ اس کی گرفتاری کے بعد گینگسٹر کو ممبئی لایا گیا اور بائیکلہ پولیس کے حوالے کر دیا گیا۔